SMILE DOG Инээмсэглэсэн нохой

[{"id":"aeb132e3-d969-4e57-8390-0fe46288ed56","type":"image","url":"https://urboiouficsi3k76.public.blob.vercel-storage.com/story-media/imported/cmse5dn4x000004l0ido0yk08/1785841373450-0-image1-vL9D37p460MqAtJyo0aL4Zb2rnznSn.png","alt":"","caption":"","size":"normal"},{"id":"bf5d56a4-2ebe-487a-8889-3f6ff51ed8e0","type":"paragraph","text":"Би Мэри Э.-тэй анх 2007 оны зун биечлэн уулзсан юм. Түүнтэй ярилцлага хийхээр арван таван жил ханилсан нөхөр Теренстэй нь урьдчилан тохиролцсон байлаа. Би сэтгүүлч биш, их сургуулийн эхний хэдэн даалгавартаа материал цуглуулж яваа сонирхогч зохиолч байсан болохоор Мэри эхэндээ зөвшөөрсөн. Бүх зүйл бүтвэл энэ мэдээллээсээ сэдэвлэн хэдэн өгүүллэг бичих санаатай байв."},{"id":"b927c663-2458-4666-aba8-407cb3dba671","type":"paragraph","text":"Би өөр ажлаар Чикагод очих нэг амралтын өдрөөр уулзахаар болсон ч яг сүүлчийн мөчид Мэри бодлоо өөрчилж, унтлагын өрөөндөө өөрийгөө түгжээд надтай уулзахаас татгалзсан. Би Теренстэй хамт хаалганы гадна хагас цаг шахам суув. Тэр эхнэрээ тайвшруулах гэж дэмий оролдож, би дотроос нь сонсогдох үг бүрийг тэмдэглэж байлаа."},{"id":"50839548-294a-47f1-9bc0-721595f8eace","type":"paragraph","text":"Мэригийн хэлж байгаа зүйлс утга авцалдахгүй ч миний өмнө нь сонсож байсан түүхүүдтэй таарч байв. Би түүнийг хараагүй ч хоолойноос нь уйлж байгааг мэдэж болохоор. Надтай ярихгүй гэсэн тайлбар нь ихэнхдээ зүүд, үнэндээ хар дарсан зүүднийх нь тухай ойлгомжгүй яриа болон хувирч байлаа."},{"id":"dd0cb6a1-6f99-4718-a3ac-4b5ae3b36c35","type":"paragraph","text":"Эцэст нь бид оролдлогоо зогсооход Теренс дахин дахин уучлал гуйсан. Би ч нэг их юм болголгүй хүлээж авсан. Би сенсаац хөөсөн сурвалжлагч биш, зүгээр л мэдээлэл сонирхсон залуу байсан шүү дээ. Тэр үед өөр нэг ижил төстэй тохиолдол хайгаад олчихож болох байх гэж бодсон юм."},{"id":"f3126cbe-b074-454b-802e-8104c1088c64","type":"paragraph","text":"Мэри Э. 1992 онд Чикагод ажилладаг жижиг BBS буюу хуучны цахим зарлалын системийн администратор байжээ. Тэр үед л smile.jpg-тэй анх таарч, амьдрал нь үүрд өөрчлөгдсөн байна. Тэр, Теренс хоёр гэрлээд ердөө таван сар болж байсан."},{"id":"0d9251ac-6b81-4c2c-9fd5-1968975b0085","type":"paragraph","text":"smile.jpg зургийг BBS дээр холбоос хэлбэрээр нийтлэх үед ойролцоогоор дөрвөн зуун хүн үзсэн гэдэг. Гэхдээ болсон явдлын талаар нэрээ нуулгүй ярьсан цорын ганц хүн нь Мэри. Бусад нь нэрээ нууцалсан хэвээр үлдсэн, эсвэл аль хэдийн нас барсан ч байж мэднэ."},{"id":"22174a8e-c254-4ec6-b7fc-b2ecc79d3a2d","type":"paragraph","text":"Би 2005 онд аравдугаар ангид байхдаа интернэтэд тархдаг хачирхалтай үзэгдлүүдийг сонирхож эхэлсэн. Тэгэхэд smile.jpg-ийн тухай анх сонссон юм. Тус зураг дээр байдаг гэх зүйлээ хүмүүс заримдаа Smile.dog гэж нэрлэдэг бөгөөд Мэри хамгийн их дурдагддаг хохирогч нь байлаа."},{"id":"8ef52d69-7a38-4970-a24d-83d55fa6997a","type":"paragraph","text":"Кибер домгийн жигшүүртэй, аймшгийн шинж нь мэдээж сонирхол татсан. Гэхдээ намайг хамгийн их гайхшруулсан зүйл нь мэдээлэл бараг огт байхгүй явдал байв. Ихэнх хүн үүнийг бодитой оршдог гэдэгт ч итгэдэггүй, зүгээр нэг цуурхал эсвэл зохиомол тоглоом гэж үздэг."},{"id":"6c5ecc9d-628f-4398-b984-a09fcb3d06ac","type":"paragraph","text":"Хачирхалтай нь бүх домог нэг зургийн файл дээр төвлөрдөг мөртлөө тэр жинхэнэ файл интернэтийн хаанаас ч олддоггүй. Мэдээж эвлүүлж янзалсан дуураймал зургууд сүлжээгээр дүүрэн. Ялангуяа 4chan-ийн хэвийн бус үзэгдлийн тухай /x/ хэсэгт байнга гарч ирнэ. Гэхдээ жинхэнэ smile.jpg үзсэн хүнд гэнэт чамархайн дэлбэнгийн таталт, хүчтэй түгшүүр үүсгэдэг гэдэг бол эдгээр дуураймал зураг ямар ч нөлөө үзүүлдэггүй. Тиймээс хуурамч гэж үздэг."},{"id":"53d72975-18e2-492d-97fd-4618330d8150","type":"paragraph","text":"Зүгээр нэг зураг ийм нөлөө үзүүлнэ гэдэг илт утгагүй сонсогдох учраас smile.jpg-ийн тухай яриаг хүмүүс шоолж, үл тоодог. Гэхдээ хэнээс асууснаас шалтгаалаад хүмүүсийн дуугүй байдаг шалтгаан нь үл итгэснээсээ дутахгүй айдас ч байж болох юм."},{"id":"55f9398d-2fb0-4928-adb6-d73ca8ecfc35","type":"paragraph","text":"Wikipedia дээр smile.jpg ч, Smile.dog ч огт дурдагддаггүй. Харин ****** буюу hello.jpg, 2girls1cup шиг бүр ч дуулиантай цочирдом сайтуудын тухай нийтлэлүүд байдаг. smile.jpg-ийн тухай хуудас үүсгэх гэсэн оролдлого бүрийг нэвтэрхий толийн администраторууд тэр дор нь устгадаг гэдэг."},{"id":"dde0333b-4556-4624-9697-0c9e65353f56","type":"paragraph","text":"smile.jpg-тэй таарсан хүмүүсийн түүх интернэтийн домог болжээ. Мэригийн явдал ганц тохиолдол биш. Уг зураг Usenet-ийн эхэн үед гарч байсан гэх батлагдаагүй яриа бий. Мөн 2002 онд нэг хакер Something Awful нэртэй хошин, егөөдлийн сайтын форумыг Smile.dog-ийн зургуудаар дүүргэсний улмаас тухайн үеийн хэрэглэгчдийн бараг тал нь таталт өгсөн гэх тасардаггүй цуурхал байдаг."},{"id":"9d1ac8d2-b528-416e-93a9-4831d699aebc","type":"paragraph","text":"1990-ээд оны дундаас сүүл үеэр smile.jpg нь \"SMILE!! GOD LOVES YOU!\" буюу \"ИНЭЭМСЭГЛЭ!! БУРХАН ЧАМД ХАЙРТАЙ!\" гэсэн гарчигтай гинжин имэйлийн хавсралтаар Usenet-д тархаж байсан ч гэдэг. Ийм зүйл үнэхээр болсон бол асар олон хүн үзэх ёстой. Гэтэл үзсэнээ хүлээн зөвшөөрдөг хүн маш цөөхөн, файл эсвэл холбоосын ямар ч мөр өнөөдрийг хүртэл олдоогүй."},{"id":"92032da4-bc84-479b-8990-e74a9c0331fc","type":"paragraph","text":"smile.jpg-ийг харсан гэдэг хүмүүс зургийг хатуу дискэндээ хадгалах завгүй байсан гэж сулхан хошигнодог. Харин зураг ямар харагддаг тухай тайлбар нь бараг бүгдэд нь адилхан."},{"id":"4c83bf6b-7c21-4274-8680-ab0dfb96bfb1","type":"paragraph","text":"Бүдэгхэн өрөөнд камерын гэрэлд цохиулан сууж буй нохойтой төстэй амьтан. Ихэнх хүн Сибирийн хаски шиг харагдсан гэдэг. Ар талд ялгарах цорын ганц зүйл нь зургийн зүүн талаар харанхуйгаас сунан гарч ирсэн хүний гар. Гар нь хоосон ч хэн нэгнийг нааш ир гэж дохиж байгаа мэт харагддаг."},{"id":"5a5998f1-b5ca-46e1-83ad-dd6eba4dbd2f","type":"paragraph","text":"Гэхдээ бүх анхаарал нохой, эсвэл зарим хохирогчийн баталдгаар нохойтой төстэй тэр зүйл дээр төвлөрнө. Ам нь хоёр тийшээ хэт өргөн ярзайж, маш цагаан, хэт шулуун, маш хурц, хүнийх шиг хоёр эгнээ шүд ил гарсан байдаг гэнэ."},{"id":"f335d395-8339-4d34-ac53-cff87ca92fce","type":"paragraph","text":"Мэдээж хүмүүс зургийг үзсэн даруйдаа ингэж тайлбарладаггүй. Энэ бол дараа нь сэргээн санасан дүр зураг. Хохирогчид бодит байдал дээр таталт өгч байхдаа тэр зургийг оюун санаандаа дахин дахин хардаг гэж ярьдаг."},{"id":"54c7524c-e662-4c0f-a825-211354843b16","type":"paragraph","text":"Таталт хэр удаан үргэлжилдэг нь тодорхойгүй. Заримдаа унтаж байх үед нь ч үргэлжилж, аймшигтай тод, салахгүй хар дарсан зүүд болдог. Эмээр эмчилж болдог ч зарим хүнд үр дүнтэй, заримд нь бараг нөлөөгүй."},{"id":"6a8ab8f7-9063-440d-bb4a-5ef9d5cf990c","type":"paragraph","text":"Мэри Э.-гийн хэрэглэж байсан эм үр дүнгүй байсан болов уу гэж би боддог. Тиймээс 2007 онд гэрээс нь буцсаны дараа ардын домог, хотын домог судалдаг хэд хэдэн мэдээний бүлэг, вебсайт, имэйлийн жагсаалтаар асуулга тараасан. smile.jpg-ийн өөр нэг хохирогч олж, болсон зүйлээ ярьж өгөхөд бэлэн хүнтэй холбогдохыг хүссэн юм."},{"id":"fea63138-a293-4b1d-beba-d8e980fca30e","type":"paragraph","text":"Хэсэг хугацаанд ямар ч хариу ирээгүй. Удалгүй би их сургуулийн нэгдүгээр курсээ эхлүүлж, завгүй болсон тул энэ хайлтаа бүр мартаж орхив. Гэвч 2008 оны гуравдугаар сарын эхээр Мэри над руу имэйл бичсэн."},{"id":"6501a2ae-b92f-4789-9c21-fe589b77fc4a","type":"quote","text":"Хэнд: jml@****.com\nИлгээгч: marye@****.net\nГарчиг: Өнгөрсөн зуны ярилцлагаНоён Л. танаа,Өнгөрсөн зун та надтай ярилцахаар ирэхэд би тийм байдал гаргасандаа маш их уучлал хүсэж байна. Энэ нь таны буруу биш, миний өөрийн асуудлаас болсон гэдгийг ойлгоно гэж найдаж байна. Би тухайн нөхцөлд илүү соёлтой хандаж болох байснаа мэдэж байгаа. Намайг уучлаарай. Тэр үед би айсан юм.Арван таван жилийн турш smile.jpg намайг зовоож байна. Smile.dog шөнө бүр намайг унтахад ирдэг. Инээдтэй сонсогдож байгааг мэдэж байна, гэхдээ энэ үнэн. Тэр зүүд, тэр хар дарсан зүүднүүдийг үгээр тайлбарлахад хэцүү. Миний өмнө нь зүүдэлж байсан ямар ч жинхэнэ зүүдтэй огт адилгүй.Би хөдөлж чадахгүй. Ярьж ч чадахгүй. Зүгээр л урагшаа харна. Харин миний өмнө өнөөх аймшигтай зураг л байдаг. Харанхуйгаас дохиж буй гарыг харна. Smile.dog-ийг харна. Тэгээд тэр надтай ярьдаг.Мэдээж тэр нохой биш. Гэхдээ яг юу болохыг нь би мэдэхгүй. Миний хэлснийг хийвэл чамайг тайван орхино гэж хэлдэг. Надаас хүсдэг зүйл нь ердөө \"үүнийг цааш тараа\". Яг ийм үгээр шаарддаг. Тэр юу гэсэн үг болохыг би маш сайн мэднэ. Зургийг өөр хүнд үзүүлэхийг хүсэж байгаа юм.Би үүнийг хийж ч чадна. Тэр явдлаас долоо хоногийн дараа буцах хаяггүй шаргал дугтуй шуудангаар ирсэн. Дотор нь ердөө 3.5 инчийн уян диск байлаа. Шалгаж үзэх шаардлага ч байгаагүй. Дотор нь юу байгааг би мэдэж байсан.Яах тухайгаа би маш удаан бодсон. Танихгүй хүнд үзүүлж болно. Ажлынхаа хүнд ч үзүүлж болно. Тэр бодлоосоо өөрөө жигшиж байсан ч Теренст хүртэл үзүүлж чадна. Тэгвэл юу болох вэ? Smile.dog амласандаа хүрвэл би эцэст нь унтаж чадна. Харин худлаа хэлсэн бол яах вэ? Бас түүний үгийг дагасны дараа үүнээс ч дор зүйл намайг ирж авахгүй гэдгийг хэн батлах юм?Тиймээс би арван таван жилийн турш юу ч хийгээгүй. Гэхдээ дискийг эд зүйлсийнхээ дунд нууж хадгалсан. Арван таван жилийн турш шөнө бүр Smile.dog зүүдэнд ирж, үүнийг цааш тараахыг шаардсан. Арван таван жилийн турш би бууж өгөөгүй. Хэцүү үе олон байсан.smile.jpg-ийг анх үзсэн BBS-ийн бусад хохирогчдын ихэнх нь нэг нэгээрээ бичихээ больсон. Зарим нь амиа хорлосон гэж сонссон. Бусад нь бүрмөсөн дуугүй болж, интернэтээс ор мөргүй алга болсон. Би хамгийн их тэдний төлөө санаа зовдог.Ноён Л., намайг үнэхээр уучлаарай. Өнгөрсөн зун та бидэнтэй ярилцахаар холбогдоход би тэсэхийн эцэст хүрчихсэн байсан. Би тэр уян дискийг танд өгөхөөр шийдсэн. Smile.dog худлаа ярьж байгаа эсэх нь надад хамаагүй болсон. Би зүгээр л энэ бүхнийг дуусгахыг хүссэн.Та бол надад ямар ч холбоогүй, танихгүй хүн байсан. Судалгааныхаа нэг хэсэг гэж бодоод дискийг авч, хувь заяагаа өөрөө битүүмжлэхэд би харамсахгүй байх гэж бодсон.Гэхдээ таныг ирэхээс өмнө би яг юу хийх гэж байгаагаа ойлгосон. Би таны амьдралыг сүйрүүлэхээр төлөвлөж байсан. Тэр бодлыг тэсэж чадаагүй. Одоо ч тэсэж чадахгүй байна. Би өөрөөсөө ичиж байна, ноён Л.Энэ анхааруулгыг уншаад smile.jpg-ийн мөрөөр цааш явахаа болино гэж найдаж байна. Нэг өдөр та надаас сул дорой биш ч надаас хавьгүй бузар хүнтэй таарч мэднэ. Smile.dog-ийн тушаалыг биелүүлэхээс огт эргэлзэхгүй хүнтэй.Одоо ч бүтэн байгаа дээрээ зогс.Хүндэтгэсэн,Мэри Э."},{"id":"a48428a4-23d0-4692-9b43-4a4a4306a705","type":"paragraph","text":"Тэр сарын сүүлээр Теренс надтай холбогдож, эхнэр нь амиа хорлосон тухай хэлсэн. Мэригийн үлдээсэн зүйлсийг цэгцэлж, имэйл хаягуудыг нь хааж байхдаа дээрх зурвасыг олжээ."},{"id":"a9d0c629-dcff-40bb-9a4a-d730d2e6a9a5","type":"paragraph","text":"Тэр хүн бүрэн сүйрсэн байлаа. Эхнэрийнх нь зөвлөгөөг дага гэж уйлан байж хэлсэн. Мөн уян дискийг олж, өмхий хар хуванцар төдий болтол нь шатааснаа ярив. Харин хамгийн их айлгасан зүйл нь хайлах үедээ диск исгэрч байсан явдал гэнэ. Яг амьтан шиг гэж тэр хэлсэн."},{"id":"3f5cee55-2764-463a-a51b-73fe9ad2e425","type":"paragraph","text":"Би үүнд яаж хариулахаа сайн мэдээгүй. Эхэндээ тэр хоёр энэ бүхнийг оройтож хийсэн тоглоом болгож, намайг айлгах гэж байгаа юм биш биз гэж бодсон. Гэхдээ Чикагогийн хэд хэдэн сонины онлайн эмгэнэлийн хуудсыг шалгахад Мэри Э. үнэхээр нас барсан нь батлагдав. Мэдээж нийтлэлд амиа хорлосон тухай нэг ч үг байгаагүй."},{"id":"caeb69ab-89e0-4564-96fc-ed9f78f95e69","type":"paragraph","text":"Тэгээд ядаж хэсэг хугацаанд smile.jpg-ийн тухай дахин ухаж төнхөхгүй гэж шийдлээ. Тавдугаар сарын сүүлээр шалгалтууд эхлэх гэж байсан болохоор ч тэр."},{"id":"5d896ee0-124f-4f6a-812d-bb48f1422cfe","type":"paragraph","text":"Гэхдээ ертөнц биднийг шалгах хачин аргатай. Мэри Э.-тэй хийж чадаагүй тэр аймшигтай ярилцлагаас бараг бүтэн жилийн дараа надад өөр нэг имэйл ирсэн."},{"id":"511279e8-1dae-4ede-ab41-ceb85c7be29d","type":"quote","text":"Хэнд: jml@****.com\nИлгээгч: elzahir82@****.com\nГарчиг: smileСайн ууби чиний имэйл хаягийг мэйлийн жагсаалтаас олсон профайл дээр чинь smiledog сонирхдог гэсэн байсан би үүнийг харсан хүмүүсийн ярьдаг шиг тийм аймар биш би энд хавсаргаад явууллаа зүгээр л цааш тарааж байгаа юм.:)"},{"id":"508c9b3e-95f7-40db-885c-5b4ef2b1368b","type":"paragraph","text":"Сүүлчийн өгүүлбэрийг уншихад нуруугаар минь хүйт даав."},{"id":"48710e11-9772-4198-a921-3507ed97e39f","type":"paragraph","text":"Имэйл програмын мэдээллээр нэг хавсралт байсан. Мэдээж нэр нь smile.jpg."},{"id":"49f5de3f-aaee-417b-bfbc-b3e6b3d3643e","type":"paragraph","text":"Би татаж авах эсэхээ удаан бодсон. Магадгүй жирийн нэг хуурамч зураг байх. Хуурамч биш байсан ч smile.jpg үнэхээр ийм хүчтэй гэдэгт би хэзээ ч бүрэн итгэж байгаагүй."},{"id":"a562db0f-1f1e-4f69-ac53-da9a8380e73c","type":"paragraph","text":"Мэри Э.-гийн түүх намайг доргиосон нь үнэн. Гэхдээ тэр угаасаа сэтгэцийн хувьд тогтворгүй хүн байсан ч юм билүү. Эцсийн эцэст жирийн нэг зураг хүнийг яаж ийм болгох юм бэ? Зөвхөн харагдах төдийдөө хүний ухааныг эвддэг ямар амьтан байж болох вэ?"},{"id":"575aedb5-bbbf-4a6b-a364-3098c04f2086","type":"paragraph","text":"Хэрэв энэ бүхэн илэрхий утгагүй юм бол яагаад ийм домог анхнаасаа бий болсон юм бэ?"},{"id":"b56638a4-5e20-4b0f-9dd5-525083b93cb3","type":"paragraph","text":"Хэрэв би зургийг татаж аваад харвал, Мэри үнэн хэлсэн байвал, Smile.dog шөнө бүр зүүдэнд минь ирж \"үүнийг цааш тараа\" гэж шаардаж эхэлбэл би яах вэ?"},{"id":"7d2fc125-ee96-4a8d-ba5c-b6dbe9d828e2","type":"paragraph","text":"Би Мэри шиг бууж өгөх хүсэлтэйгээ тэмцсээр үхэх хүртлээ амьдрах уу? Эсвэл зүгээр л тайван унтахын тулд бусдад тараах уу? Хэрэв хоёр дахь замыг сонговол хэнд үзүүлэх вэ? Дараагийн зовлонг хэний нуруун дээр үүрүүлэх вэ?"},{"id":"79326821-62ea-4a6a-9376-c599ac7253e8","type":"paragraph","text":"Би smile.jpg-ийн тухай анх төлөвлөсөн богино нийтлэлээ бичиж дуусгавал зургийг нотлох баримт болгон хавсаргаж болно гэж бодсон. Тэгвэл нийтлэлийг уншсан, сонирхсон хүн бүр нөлөөлөлд нь орно."},{"id":"68d9ad6d-db00-49b9-99bc-6e02f1e05a48","type":"paragraph","text":"Тэр имэйлд хавсаргасан smile.jpg жинхэнэ байсан ч би өөрийгөө аврахын тулд ийм харгис алхам хийж чадах уу?"},{"id":"e21cb04e-7c95-4ada-954d-6455aef5fd07","type":"paragraph","text":"Би үүнийг цааш тарааж чадах уу?"},{"id":"f29da132-ecd7-4d25-a2d5-a68ff2156726","type":"paragraph","text":"Тийм."},{"id":"5f68dbff-e4f9-465e-b217-5ae132ebdad2","type":"paragraph","text":"Тийм ээ, чадна."},{"id":"ace5a03b-cf1c-46ab-a6d9-bd66fed90abf","type":"image","url":"https://urboiouficsi3k76.public.blob.vercel-storage.com/story-media/imported/cmse5dn4x000004l0ido0yk08/1785841373450-0-image1-vL9D37p460MqAtJyo0aL4Zb2rnznSn.png","alt":"","caption":"","size":"normal"},{"id":"b151fa00-11fa-4f2f-a3fc-31100bb9bc07","type":"paragraph","text":"SMILE"},{"id":"8c376dfa-20da-44ed-9697-06fadc6b90c8","type":"heading","text":"Тайлбар"},{"id":"86657d7a-9239-4f28-9e26-58e4570a5df3","type":"paragraph","text":"Энэхүү түүх нь миний өөрийн бүтээл биш. Эх зохиолыг Монгол хэлнээ хөрвүүлж, уншихад эвтэйхэн болгох үүднээс найруулгыг нь зассан болно. Бүтээлийн эрх эх зохиогчид хамаарна."},{"id":"c595a3e2-7b36-4118-8b5d-19f24d5b0b2a","type":"paragraph","text":"Эх зохиол: Michael Lutz | Анх нийтлэгдсэн: 2010 оны 8 дугаар сарын 27"}]