Disney-д хаягдсан: Мауглийн ордон Abandoned by Disney • Эх зохиогч: Slimebeast

[{"id":"a49cf026-a421-451b-87bd-7be5a65b03d7","type":"image","url":"https://urboiouficsi3k76.public.blob.vercel-storage.com/story-media/imported/cms9vgx6y0000ry0oc5pf5ssm/1785775400435-0-image1-oi6huHQxVzCyZH8T353cDN6no1o7mB.png","alt":"","caption":"","size":"normal"},{"id":"94fb1b9e-0cca-41e8-8258-2e2426b09465","type":"quote","text":"ОРЧУУЛГЫН ТАЙЛБАР\nЭнэхүү аймшгийн түүх нь миний өөрийн бүтээл биш. Англи эхийг Монгол хэлнээ хөрвүүлж, уншихад эвтэйхэн болгохын тулд найруулгыг нь зассан. Үйл явдал, байгууллага болон газар орны тухай өгүүлэмж нь creepypasta зохиолын нэг хэсэг бөгөөд баримтат нийтлэл биш. Эх зохиолын бүх эрх зохиогчид нь хамаарна."},{"id":"e300123f-86bb-45f1-a427-a02eaa3f6e3b","type":"paragraph","text":"Та нарын зарим нь Disney компани дор хаяж нэг жинхэнэ “сүнстэй хот” үлдээсэн тухай сонсож байсан байх."},{"id":"9320e9b2-6173-4325-8360-0cedeac9c543","type":"paragraph","text":"Disney Багамын арлуудын Бейкерс Бэйд “Treasure Island” нэртэй амралтын газар байгуулж байсан. Анхнаасаа орхигдсон хот байгаагүй шүү. Disney-ийн аяллын хөлгүүд тэнд зогсож, жуулчдыг тансаг орчинд амраахаар буулгадаг байв."},{"id":"9a25585b-d7c6-413e-9315-239dfe5a22fa","type":"paragraph","text":"Энэ хэсэг бол үнэн. Өөрсдөө хайгаад үзэж болно."},{"id":"b85f7deb-d8e3-4a7a-b08f-0446e33669bf","type":"paragraph","text":"Disney тэр газарт 30 сая ам.доллар цацсан. Тийм ээ, бүтэн гучин сая."},{"id":"5fe16a8a-1d88-4bf9-b7d7-db6a082e2a0b","type":"paragraph","text":"Тэгээд зүгээр л хаяад явчихсан."},{"id":"af94da98-f142-46a1-b91a-ef69e30e627c","type":"paragraph","text":"Disney албан ёсоор ус хэт гүехэн байсан учраас хөлгүүд нь аюулгүй нэвтэрч чадаагүй гэж тайлбарласан. Зарим нь бүр Багамын ажилчдыг тогтсон хуваариар ажиллаж чаддаггүй, залхуу хүмүүс байсан гэж буруутгасан байдаг."},{"id":"5e0e0573-e142-46bb-a654-416fcb153ba8","type":"paragraph","text":"Тэдний ярьсан түүхийн бодит хэсэг ингээд л дуусна. Асуудал нь элснээс болоогүй. “Гадаадынхан залхуу” гэсэн тайлбар ч мэдээж үнэн биш. Аль аль нь хэрэг болсон үедээ хэлчихэд амархан шалтаг."},{"id":"9f6e5827-de2d-4341-aaad-c2dd1c09b59e","type":"paragraph","text":"Тэр тайлбаруудыг би яагаад үнэмшилгүй гэж боддог вэ?"},{"id":"a5a45cee-de8d-468d-95f9-1e244665f553","type":"paragraph","text":"Мауглийн ордноос болоод."},{"id":"7f469aab-bc74-4991-8d23-07821d23ead4","type":"paragraph","text":"1990-ээд оны сүүлээр Disney Хойд Каролинагийн далайн эргийн Emerald Isle хотын ойролцоо “Mowgli’s Palace” буюу “Мауглийн ордон”-г барьж эхэлсэн. Төлөвлөгөө нь ширэнгэн ойн сэдэвтэй аварга амралтын газар, яг төвд нь нэрнээсээ ойлгомжтой асар том ордон байгуулах байлаа."},{"id":"6e50eda7-cd89-433a-9d78-e8ea3f01d857","type":"paragraph","text":"Маугли гэж хэн болохыг мэдэхгүй бол “Ширэнгэн ойн ном”-ыг санахад л болно. Өөр хаанаас ч үзээгүй байсан Disney-ийн олон жилийн өмнөх хүүхэлдэйн киног нь лав мэдэх байх."},{"id":"124cab5c-946b-480d-840d-1506e1ba3d4a","type":"paragraph","text":"Маугли бол ширэнгэн ойд хаягдаж, амьтдаар өсгүүлсэн хүүхэд. Зарим амьтан нь түүнийг хамгаалдаг бол нөгөө хэсэг нь ангуучлан мөшгөнө."},{"id":"6167d170-0460-49c1-95b3-98a21905ebf6","type":"paragraph","text":"Мауглийн ордон анхнаасаа л хэрүүл дагуулсан төсөл байв. Disney өндөр үнэтэй асар их газар худалдан авсан бөгөөд зарим хэлцлийн ард томоохон будлиан гарсан. Орон нутгийн захиргаа “нийтийн хэрэгцээ” гэсэн нэрээр хүмүүсийн гэрийг албадан авч, дараа нь Disney-д зарсан гэдэг. Нэг айлын дөнгөж барьж дуусгасан байшинг ямар ч ойлгомжтой тайлбаргүйгээр шууд нураах шийдвэр хүртэл гарч байжээ."},{"id":"2d78966c-be91-4016-9ae4-a479fb915d2d","type":"paragraph","text":"Засгийн газрын авсан газруудыг бодит байдал дээр огт байгаагүй хурдны замын төсөлд ашиглана гэж тайлбарласан. Юу болоод байгааг ойлгосон хүмүүс тэр замыг “Микки Маусын хурдны зам” гэж нэрлэж эхэлсэн."},{"id":"f950e86b-45c5-4302-8448-e82548b3f3ef","type":"paragraph","text":"Дараа нь төслийн зураг олон нийтэд ил болсон."},{"id":"fc92e4e3-ade3-4f8e-8b2e-76b7f03ae385","type":"paragraph","text":"Disney-ийн хэдэн костюмтай захирал хотын иргэдтэй уулзалт хийж, энэ төсөл хүн бүрт ямар их ашиг авчрахыг тайлбарлах гэж оролдсон. Харин аварга Энэтхэг ордон, түүнийг хүрээлсэн шигүү ширэнгэн ой, бүсэлхийдээ өөдөс төдий даавуутай “омгийн” хувцас өмссөн ажилчдын зургийг үзүүлмэгц хүмүүс ёстой дэлбэрсэн."},{"id":"e9a8820f-b9a0-4a2b-8297-1170dc1d41f8","type":"paragraph","text":"Харьцангуй чинээлэг, дээрээс нь тэр үеийн Америкийн өмнөд хэсгийнхний гаднын соёлд тийм ч таатай ханддаггүй бүсийн яг төвд Энэтхэг ордон, ширэнгэн ой, хагас нүцгэн ажилчид байгуулна гэдэг тухайн үедээ үнэхээр эргэлзээтэй сонголт байв."},{"id":"c70e9860-045b-49a3-a353-a64e2fa11173","type":"paragraph","text":"Олон дундаас нэг хүн тайз руу дайрахыг оролдсон. Тэр танилцуулгын самбарын нэгийг өвдгөөрөө хуга цохиж амжсан ч хамгаалалтынхан дор нь дарж авсан."},{"id":"fe5241cd-eaac-4997-bf57-a8c5eca1bbc1","type":"paragraph","text":"Disney ч тэр орон нутгийг яг л өвдгөн дээрээ тавьж байгаад хугалсан. Байшингуудыг нурааж, газрыг цэвэрлэсэн. Хүмүүс юу ч хэлээд, юу ч хийгээд нэмэргүй байлаа. Эхэндээ орон нутгийн телевиз, сонинууд амралтын газрын эсрэг байр суурьтай байсан ч Disney-ийн хэвлэл мэдээллийн асар том нөлөө яаж ийгээд хүрч, тэдний өнгө аяс нэг шөнийн дотор эргэсэн."},{"id":"e41a589f-2828-4f7f-9bdf-752a67117bf5","type":"paragraph","text":"За тэгээд Багамын Treasure Island руугаа буцъя. Disney тэнд сая сая доллар шатаачихаад хаяад явсан. Мауглийн ордонд яг адил зүйл болсон."},{"id":"15e57dda-6419-406e-8f55-d5fc863ba65c","type":"paragraph","text":"Барилгын ажил бүрэн дууссан. Жуулчид үнэхээр тэнд байрлаж, амарч байлаа. Ойр хавийн замууд төөрсөн, ууртай жуулчдын машинаар дүүрч, ийм том амралтын газрыг дагадаг бүх төвөг чирэгдэл орон нутгийг нөмөрсөн."},{"id":"5ab54357-fd95-4536-baf3-36c1dff78be4","type":"paragraph","text":"Тэгээд нэг өдөр бүх зүйл зогсчихсон."},{"id":"a8d3d0ad-23ca-4e33-893b-3d45e30970ac","type":"paragraph","text":"Disney газраа хаасан. Яагаад гэдгийг нь хэн ч ойлгоогүй. Гэхдээ нутгийнхан бол баярласан. Анхнаасаа тэр газрыг хүсээгүй олон хүний хувьд Disney-ийн алдагдал ёстой нэг сайхан шоглоом болсон."},{"id":"fd64b3bb-c872-4bf4-8522-3b08d9faa10c","type":"paragraph","text":"Арав гаруй жилийн өмнө хаасан тухай сонссоноос хойш би тэр газрыг ахиж бодоогүй. Би Emerald Isle-оос машинаар дөрөв орчим цагийн зайд амьдардаг болохоор цуурхлыг нь л сонссоноос өөрийн биеэр юу ч үзээгүй."},{"id":"7201769f-da0f-4e3e-a633-9457c1c605b2","type":"paragraph","text":"Тэгтэл нэг өдөр Treasure Island-ийг судалсан хүний нийтлэл олж уншлаа. Тэр орхигдсон амралтын газраар явж, олсон хачирхалтай зүйл бүрээ зурагтай блог болгосон байсан. Бүх зүйл яг байсан чигээрээ хаягджээ. Заримыг нь эвдэж, сараачиж, ажилгүй болсон хуучин ажилчид хорслоо гаргасан мэт сүйтгэсэн байв."},{"id":"3d4a70d3-395c-4b31-a2dd-51e2f78242a4","type":"paragraph","text":"Мэдээж ойр хавийн хүмүүс ч бас эвдэлцсэн байх. Treasure Island-ийн нутгийнхан Мауглийн ордны ойролцоох хүмүүс шиг л ууртай байсан."},{"id":"1dd9bbf2-aa7e-43c1-a7c5-576304ab1698","type":"paragraph","text":"Тэгээд Disney хаахдаа аквариумд байсан амьтдаа, бүр акулуудыг хүртэл далайд сулласан гэх цуурхал тарсан."},{"id":"a211a92c-3475-410b-8a98-6d5cf5400955","type":"paragraph","text":"Тийм юм хийсний дараа хүмүүс хэдэн бэлэг дурсгалын зүйл дээр уураа гаргаж, балбаад авмаар санагдах нь аргагүй биз."},{"id":"baa26f24-c3da-42ea-a916-0e6f20403007","type":"paragraph","text":"Тэр блогийг уншаад Мауглийн ордныг бодож эхэлсэн юм. Хаагдсанаас нь хойш олон жил өнгөрсөн ч тэнд очиж “urban exploration” хийвэл сонирхолтой санагдав. Зураг авч, үзсэн зүйлээ бичээд, магадгүй дурсгал болгож авч болох жижиг зүйл ч олж мэднэ."},{"id":"510b27fe-67bd-4bdf-98ea-ba421d264049","type":"paragraph","text":"Би маргааш нь шууд явсан гэж худлаа ярихгүй. Treasure Island-ийн нийтлэлийг олсноос хойш бараг бүтэн жилийн дараа л Emerald Isle руу хөдөлсөн."},{"id":"c586c3df-444b-4a9e-a16f-9e0a63f0e308","type":"paragraph","text":"Тэр нэг жилийн хугацаанд Мауглийн ордны талаар нэлээд судалсан. Ядаж судлахыг хичээсэн."},{"id":"0a36b20c-fc67-4326-8e56-1495000b1081","type":"paragraph","text":"Disney-ийн албан ёсны сайт, архивын аль нь ч энэ газрын талаар ганц үг дурдаагүй. Бүх мөрийг нь цэвэрлэсэн байлаа."},{"id":"8db7f1c6-9e1b-41d7-8414-702fbc2602a8","type":"paragraph","text":"Хамгийн хачин нь надаас өмнө тэнд очоод нийтлэл бичсэн, бүр ганц зураг оруулсан хүн ч олдоогүй. Орон нутгийн телевиз, сонины сайтад ч юу ч байсангүй. Гэхдээ нэгэнт тэд Disney-ийн талд орчихсон байсан болохоор өөрсдийн шившгийг дахин сөхөхийг хүсэхгүй нь ойлгомжтой."},{"id":"1c9e79fb-1b02-4a1e-bccc-2220d7cd1386","type":"paragraph","text":"Сүүлд би том компаниуд Google зэрэг хайлтын системээс линк устгуулах хүсэлт гаргаж чаддагийг мэдсэн. Эргээд бодоход хэн ч энэ газрын талаар яриагүй биш, харин ярьсан зүйлсийг нь хүмүүс олж чадахгүй болгосон байх."},{"id":"27460846-f1a4-4d42-a05f-28ce1c3e31dc","type":"paragraph","text":"Эцэст нь би газрыг нь бараг олж чадаагүй. Надад байсан ганц баримжаа нь 1990-ээд онд шуудангаар ирсэн хуучин газрын зураг байв. Disney World-д очиж байсан хүмүүст сурталчилгааны зорилгоор явуулдаг зүйл. Би 1980-аад оны сүүлээр тэнд очсон болохоор Disney-ийн хувьд тэр нь “саяхан” байсан бололтой."},{"id":"81cdeae8-1b7e-43e1-8f3b-9614fec3a17a","type":"paragraph","text":"Би тэр зургийг зориуд хадгалаагүй. Хүүхэд насны ном, комиксуудтай минь хамт нэг хайрцаг руу шидэгдчихсэн байлаа. Судалж эхэлснээс хойш хэдэн сарын дараа л санаанд орж, эцэг эхийн агуулахад хийсэн хайрцгийг олох гэж дахиад хэдэн долоо хоног зарцуулсан."},{"id":"1bd65a91-6d24-4937-93ae-bde878ff4ac3","type":"paragraph","text":"Гэхдээ би олсон."},{"id":"b9ce3f35-3599-4131-8a97-c293df94baaa","type":"paragraph","text":"Нутгийн хүмүүсээс асуугаад нэмэр болсонгүй. Ихэнх нь сүүлийн жилүүдэд далайн эрэг рүү нүүж ирсэн шинэ хүмүүс. Харин хуучны оршин суугчид “Мауглийн ордон хаана байдаг вэ?” гэж хэлж дуусахаас өмнө хамраа үрчийлгэж, зарим нь бүр дунд хуруугаа үзүүлээд холддог байв."},{"id":"c1ebe93c-0f5c-4b73-b8ff-7007fe1b2db3","type":"paragraph","text":"Зам намайг ер бусын урт, ургамалд дарагдсан хонгилоор авч явлаа. Хяналтаас гарсан халуун орны ургамлууд энд угаасаа ургадаг мод, буттай холилдон, хүний булааж авсан газрыг байгаль өөртөө буцааж авах гэж байгаа мэт харагдана."},{"id":"cdced8fb-4d82-4c6e-94da-014b8f6a92f9","type":"paragraph","text":"Амралтын газрын урд хаалганд хүрээд би хэсэг алмайрч зогссон."},{"id":"2aea2f16-2582-494b-8e3b-fb52f298265b","type":"paragraph","text":"Хоёр талын тулгуур нь аварга секвойя модны голоор хийсэн мэт асар том модон хаалга байв. Хаалганы энд тэнд тоншуул нүхэлж, доод хэсгийг нь газар ухдаг шавжнууд идэж хөндийлжээ."},{"id":"11b15ba3-0c9d-40d9-81b1-82da691c1867","type":"paragraph","text":"Хаалган дээр хаа нэг газраас олсон төмрийн хаягдал өлгөж, хар будгаар гараар:"},{"id":"ff38aadf-e647-4b13-88b3-3520a2e5a2fa","type":"quote","text":"“ABANDONED BY DISNEY”\n“DISNEY-Д ХАЯГДСАН”"},{"id":"72bed00d-7f4c-423a-92f3-c012d4a366ce","type":"paragraph","text":"гэж сараачсан байлаа. Нутгийн хүн эсвэл ажилгүй болсон хуучин ажилтан өчүүхэн ч гэсэн эсэргүүцлээ үлдээсэн нь тодорхой."},{"id":"aad3128c-8061-4816-a2b6-545ed422d595","type":"paragraph","text":"Хаалга машинаар орох хэмжээний зайгүй ч хүн багтахаар онгорхой байв. Би дижитал камер, ар талдаа амралтын газрын төлөвлөгөөтэй хуучин зургаа аваад явган орлоо."},{"id":"35321487-8b10-4e4b-85ff-09951692a8f4","type":"paragraph","text":"Доторх талбай ч үүдний адил ургамалд бүрэн дарагджээ. Арчлаагүй далдуу моддын дор унасан кокос уул овоо болсон байв. Гадилын моднууд ялзарсан жимс, хорхой шавжинд дарагдан өмхийрчээ. Нэг үед маш нарийн төлөвлөж тарьсан олон наст цэцгийн эгнээ одоо хүний толгой давсан зэрлэг өвс, харласан өмхий мөөгтэй холилдон эмх цэгц ба замбараагүй байдал хоорондоо мөргөлдсөн мэт харагдана."},{"id":"8bbc7965-10b7-4c74-9660-7493bf151d87","type":"paragraph","text":"Гадаах байгууламжуудаас үлдсэн зүйл нь ялзарсан хугархай мод, таних аргагүй түлэгдсэн хаягдал төдий. Мэдээллийн бүхээг эсвэл задгай баар байсан бололтой нэг зүйл сүйтгэгчдийн цохилт, олон жилийн бороо салхинд бутарч, зүгээр л хогны овоо болжээ."},{"id":"48ce54e7-82f6-4e13-98ab-55198b456093","type":"paragraph","text":"Талбай дээрх хамгийн сонирхолтой зүйл нь “Ширэнгэн ойн ном”-ын хөгжилтэй баавгай Балуны хөшөө байлаа. Гол барилгын өмнөх жижиг талбайд зогсож, байхгүй хүмүүст гараараа даллан, шүдээ гарган тэнэгхэн инээмсэглэнэ. Шувууны баас “үс”-ийг нь бүхэлд нь бүрхэж, тавцанг нь усан үзмийн ороонго баглажээ."},{"id":"5c8dcae9-96c8-4507-a3d4-52eb0fd2ea87","type":"paragraph","text":"Би гол барилга, өөрөөр хэлбэл ОРДОН руу ойртов."},{"id":"4fc3cb1c-26a0-40db-8601-91abc56d6d16","type":"paragraph","text":"Анхны будаг нь ховхорч унаагүй хэсэг бүрийг граффити бүрхсэн байлаа. Урд хаалга нь зүгээр онгорхой биш, нугаснаасаа салгагдаж, бүр хулгайлагджээ."},{"id":"d09399f6-ab8c-4a18-ae7f-ed49227b4590","type":"paragraph","text":"Хаалга байсан тэр хар ангайсан нүхний дээр хэн нэгэн дахин:"},{"id":"09c906df-6354-4502-9114-a114ab1697ad","type":"quote","text":"“ABANDONED BY DISNEY”\n“DISNEY-Д ХАЯГДСАН”"},{"id":"8bd96629-93d4-492b-a758-5c3fa2da9a31","type":"paragraph","text":"гэж будсан байв."},{"id":"e7c3be17-958c-4713-b185-d0dd3f1583cb","type":"paragraph","text":"Ордны дотроос олсон гайхалтай зүйлсийн талаар яримаар л байна. Мартагдсан хөшөөнүүд, хаягдсан кассын машинууд, бүр орон гэргүй хүмүүсийн нууц бүлгэм ч юм уу… Гэхдээ тийм юм огт байгаагүй."},{"id":"94f35953-6937-4d0c-8269-a283ef74c3fa","type":"paragraph","text":"Барилгын дотор тал үнэхээр хоосон. Хүмүүс хананы хүрээг хүртэл хуулж аваад явсан юм шиг. Аварга тулгуур, урт лангуу, том ширээ, хуурамч мод зэрэг авч явах боломжгүй зүйлс л үлджээ. Хоосон танхимд миний алхам бүр автомат буу удаанаар тачигнах мэт цуурайтана."},{"id":"af0826cc-47ed-4b01-bea8-f61da0cb847b","type":"paragraph","text":"Би газрын төлөвлөгөөгөө харж, арай сонирхолтой байж болох бүх хэсгээр орлоо."},{"id":"613c992c-1dc5-4121-8d58-efcbf99de659","type":"paragraph","text":"Гал тогоо яг төсөөлсөн шиг байв. Мөнгө хайрлаагүй үйлдвэрийн хэмжээний хоол бэлтгэлийн хэсэг. Шилэн гадаргуу бүр хагарсан, хаалга бүр нугаснаасаа мултарсан, төмөр гадаргуу болгон өшиглөж хонхойлгосон байлаа. Бүх газар олон жилийн хуучин шээс үнэртэнэ."},{"id":"81fd33f1-9f0b-4b53-96f3-81cd1bdc1e8d","type":"paragraph","text":"Одоо огтхон ч хүйтэн биш аварга хөлдөөгч дотор эгнээ эгнээгээрээ хоосон тавиур байв. Таазнаас мах өлгөдөг байсан болов уу гэмээр төмөр дэгээнүүд унжина."},{"id":"6f074c05-e08c-434a-a33a-7d2ee6f03bb1","type":"paragraph","text":"Тэнд хэсэг зогсож байгаад дэгээнүүд хөдөлж байгааг анзаарлаа."},{"id":"0106e0ea-8666-4edc-a47c-3a63fd78204f","type":"paragraph","text":"Дэгээ болгон өөр өөр чиглэлд савлаж байсан ч хөдөлгөөн нь маш удаан, өчүүхэн тул бараг харагдахгүй. Миний алхалтын доргилт байх гэж бодоод нэг дэгээг нударгаараа атган бүрэн тогтоов. Дараа нь аяархан тавьсан. Гэтэл хэдхэн секундын дараа ахиад өөрөө савлаж эхэлсэн."},{"id":"1218cb2f-4f97-4318-a13c-2cba9209de18","type":"paragraph","text":"Ариун цэврийн өрөөнүүд ч барилгын бусад хэсэгтэй адил сүйдсэн байлаа. Treasure Island дээр болсон шиг хэн нэгэн суултуур бүрийг кокос болон гартаа таарсан юмаар зориуд буталжээ. Шалан дээр хуруу хэрийн гүн өмхий, ногоорсон тогтонги ус байсан тул удаан саатаагүй."},{"id":"940a1cc0-4112-4d36-a4c5-ea189a75ca29","type":"paragraph","text":"Хамгийн хачин нь суултуур, угаалтуур, бүр эмэгтэйчүүдийн өрөөний биде хүртэл дусалж, гоожиж, зарим нь зогсолтгүй урсаж байсан. Тийм ээ, би эмэгтэйчүүдийн өрөөнд орсон. Энэ газрыг хааснаас хойш усыг аль эрт, маш олон жилийн өмнө тасалсан байх ёстой шүү дээ."},{"id":"c8faa7bb-4b27-4025-855e-efc5fc5e1954","type":"paragraph","text":"Амралтын газарт тоолж барамгүй олон өрөө байсан ч бүгдийг нь үзэх цаг байгаагүй. Шагайж харсан хэдэн өрөө бүгд адилхан эвдэрч, хоосорсон байсан тул тэндээс юу ч олно гэж бодоогүй."},{"id":"9bc27ee0-91f8-4309-83e1-022c34e108fb","type":"paragraph","text":"Нэг өрөөнд зурагт эсвэл радио асаалттай байгаа юм шиг санагдсан. Би үнэхээр аяархан яриа сонссон гэж боддог."},{"id":"c901e73a-4224-467d-9aef-9107e5f8423b","type":"paragraph","text":"Шивнээ төдий сулхан. Магадгүй нам гүмд өөрийн амьсгал цуурайтсан байх. Эсвэл гоожиж буй ус хүний яриа шиг сонсогдсон байж болно. Гэхдээ миний сонссоноор бол:"},{"id":"c7dc5a2e-bb03-490f-bd8f-7c5a7275bb75","type":"quote","text":"1: “Би итгээгүй.”\n\n2: [Богино, ойлгогдоогүй хариу.]\n\n1: “Би мэдээгүй. Тэрийг би мэдээгүй.”\n\n2: “Аав чинь чамд хэлсэн.”\n\n1: [Ойлгогдоогүй хариу. Эсвэл зүгээр л уйлсан чимээ.]"},{"id":"973dec2a-2b63-4971-8e70-8f86553ee990","type":"paragraph","text":"Мэднэ ээ, инээдтэй сонсогдож байгаа. Би зөвхөн өөрт тохиолдсон зүйлийг ярьж байна. Тэр өрөөнд ямар нэг төхөөрөмж ажиллаж байна, эсвэл бүр муугаар бодоход тэнд нуугдсан тэнүүлчид намайг хутгалж мэднэ гэж бодсон шалтгаан минь энэ."},{"id":"cccba706-75b8-41ba-8d51-722c6d8d7834","type":"paragraph","text":"Би буцаад Ордны урд хаалган дээр ирэхдээ үзэх юм олсонгүй, бүх аялал дэмий боллоо гэж бодож байв."},{"id":"a2f4e298-324f-412d-ab00-4500e63f8320","type":"paragraph","text":"Гадагш харахад өмнө нь яагаад ч юм анзаараагүй нэг зүйл талбайн голд байлаа. Ядаж ганц зураг ч болов авч харих юм олдсон гэсэн үг."},{"id":"1c2ca9c0-dd4b-439a-8411-af7b4ebfcd6b","type":"paragraph","text":"Талбайн яг төвд тавцан дээр орооцолдон хэвтэж, наранд ээж байгаа мэт харагдах аварга питон могойн маш бодит хөшөө байв. Урт нь бараг наян фут буюу хорин дөрвөн метр хүрэхээр."},{"id":"c29b05a5-e4af-4ed6-803f-67aaf4bac189","type":"paragraph","text":"Нар жаргах дөхсөн тул гэрэл яг зураг авахад төгс өнцгөөр тусаж байлаа."},{"id":"96deaea2-a10e-437b-9b45-be6cf48ecddf","type":"paragraph","text":"Би могойд ойртож нэг зураг дарав. Хөлийнхөө өлмий дээр өргөгдөж дахин авлаа. Нүүрнийх нь жижиг хэсгийг тод авахын тулд бүр ойртлоо."},{"id":"d47f6cbd-0c93-49cd-9a75-eee659f3fe60","type":"paragraph","text":"Тэгтэл питон маш удаан, ямар ч яарсан шинжгүй толгойгоо өргөв."},{"id":"e37785fc-f405-46d0-b31c-bec72280c25f","type":"paragraph","text":"Яг миний нүд рүү харлаа."},{"id":"f4f01f4c-0551-4c79-9914-7b1afad49097","type":"paragraph","text":"Дараа нь биеэ эргүүлээд тавцангаас доош гулсаж, өвсөн дээгүүр мөлхөн мод руу орчихов."},{"id":"8d050cf2-c1d6-4c47-8360-e5d5d9d51192","type":"paragraph","text":"Наян фут урт тэр амьтны толгой ой дотор алга болсноос хойш ч сүүл нь тавцангаас бүрэн буугаагүй байлаа."},{"id":"bb29d0b8-f325-46ea-a157-93ba41a33617","type":"paragraph","text":"Disney энд байсан чамин амьтдаа бүгдийг нь талбайд суллачихжээ. Газрын зураг дээр “Мөлхөгчдийн байр” гэж тодорхой тэмдэглэсэн байсан. Би мэдэх ёстой байж. Treasure Island-ийн акулын тухай уншсан шүү дээ. Тэд энд ч бас тэгсэн гэдгийг МЭДЭХ ЁСТОЙ БАЙЖ."},{"id":"2a8a180f-aad1-46c8-b05d-83c0253a3249","type":"paragraph","text":"Би амаа ангайчихсан, юу ч ойлголгүй нэлээд удаан зогссон байх. Эцэст нь ухаан орж амаа хаан, хэд анивчаад могой байсан газраас ухарч Ордон руу буцлаа."},{"id":"8b1145a8-d0c7-4a43-9e3e-173ef6208c0c","type":"paragraph","text":"Могой бүрэн алга болсон ч би эрсдэл гаргахыг хүсээгүй. Барилга руу нүүрээ харуулсан чигээрээ алхам алхмаар ухрав."},{"id":"d3031fa8-cdec-4801-a9f6-1742573267f0","type":"paragraph","text":"Өөрийгөө жаахан тайвшруулахын тулд хэд гүнзгий амьсгаа авч, нүүр рүүгээ хоёр гурван удаа алгадав."},{"id":"1454d3d8-9805-453b-9bb3-4cd406ed752c","type":"paragraph","text":"Тэр үед хөл маань салганаж, резин шиг болсон тул суух газар хайлаа. Гэхдээ хагархай шил, үхсэн навчтай шал дээр хэвтэх эсвэл бат бөх эсэх нь эргэлзээтэй ширээн дээр авирахаас өөр суух газар байсангүй."},{"id":"91ad4b18-6b1a-460e-bc85-f9013adec972","type":"paragraph","text":"Ордны үүдний ойролцоо шат харснаа санаад бие гайгүй болтол тэнд суухаар шийдэв."},{"id":"92633589-75b0-4b43-9fe3-3226a447624e","type":"paragraph","text":"Шат нь барилгын урд хэсгээс нэлээд зайтай болохоор бусад газраас цэвэрхэн. Гэхдээ тоос хачин ихээр зузаарчээ. Хананаас салсан, дээр нь ахиад л “ABANDONED BY DISNEY” гэж будсан төмрийн хэсгийг авч шатан дээр тавиад хувцсаа арай бага бохирдуулахын тулд дээр нь суулаа."},{"id":"842c80ff-9211-4825-b2d6-b3c2f5762a2c","type":"paragraph","text":"Шат газрын түвшнээс доош уруудна."},{"id":"17e90eb4-4d15-4220-9595-8046377feea9","type":"paragraph","text":"Камерын гэрлийг түр зуурын гар чийдэн болгож харахад шат төмөр торон хаалган дээр дуусаж, хаалгыг цоожоор түгжсэн байв."},{"id":"3ee10c53-647e-4a5d-b0f2-52ff15000036","type":"paragraph","text":"Хаалган дээр жинхэнэ үйлдвэрийн тэмдэг өлгөөтэй байлаа:"},{"id":"c1f1d0e4-6e66-4869-ac6d-7eff269a7f3b","type":"quote","text":"“MASCOTS ONLY! THANK YOU!”\n“ЗӨВХӨН МАСКОТУУДАД! БАЯРЛАЛАА!”"},{"id":"25390984-5253-414d-8dce-8065e2552537","type":"paragraph","text":"Үүнийг хараад сэтгэл бага зэрэг сэргэсэн. Хоёр шалтгаантай."},{"id":"fc673844-8316-4c34-abe2-23cc4b5fe176","type":"paragraph","text":"Нэгдүгээрт, маскотуудад зориулсан хэсэгт урьд нь сонирхолтой юм их байсан нь тодорхой."},{"id":"0d1b4240-9f77-4a73-9602-12da4a09101e","type":"paragraph","text":"Хоёрдугаарт, цоож нь одоо хүртэл байрандаа байлаа. Энд хэн ч орж үзээгүй. Сүйтгэгчид ч үгүй, хулгайчид ч үгүй. Хэн ч."},{"id":"fb1e34d5-20e1-4b4d-9667-4cd0d8a6a6ed","type":"paragraph","text":"Энэ бол би жинхэнээсээ “судалж”, зураг авах эсвэл ичгүүргүйгээр хулгайлж болох зүйл олж мэдэх цорын ганц газар байв. Би Ордонд ирэхдээ “орхигдсон юм чинь таалагдсан зүйлээ авч болно” гэж өөртэйгөө аль хэдийн тохирчихсон байлаа."},{"id":"4d09d785-0395-4223-807d-8033f631e1f1","type":"paragraph","text":"Цоожийг эвдэхэд тийм ч хэцүү байсангүй."},{"id":"f1fb3418-d5ae-4de1-b595-153a1a69de74","type":"paragraph","text":"Үнэндээ цоожийг биш, хананд тогтоосон төмөр хавтанг салгасан юм. Олон жилийн зэврэлт ажлын ихэнхийг өмнөөс минь хийчихсэн байсан тул хавтанг нугалж, шрупнүүдийг хананаас сугалж чадлаа. Яагаад надаас өмнөх хүмүүс ингэж бодоогүй юм бүү мэд. Эсвэл тэр үед төмөр нь ингэтлээ муудаагүй байсан байх."},{"id":"03ac58c3-76b7-4db8-9b1d-f59d8aaa8e81","type":"paragraph","text":"“Зөвхөн маскотуудад” гэсэн хэсэг миний харсан барилгын бусад хэсгээс итгэмээргүй өөр байлаа."},{"id":"2b2600a9-4073-4300-8943-e1116744cc92","type":"paragraph","text":"Юуны өмнө таазны хоёр, гурван гэрэл тутмын нэг нь асаж байв. Заримдаа анивчиж, гэнэт бүдгэрдэг ч ямартай ч цахилгаантай."},{"id":"33462188-c161-49fa-8d9c-f28c259a0b07","type":"paragraph","text":"Мөн эндээс юу ч хулгайлаагүй, эвдээгүй харагдана. Мэдээж цаг хугацаа, чийг хоёр бүхнийг аажмаар идэж байсан."},{"id":"9022103a-c107-4f28-addb-2bb358c41a28","type":"paragraph","text":"Ширээнүүд дээр тэмдэглэлийн дэвтэр, үзэг хэвээрээ. Хананд цагнууд өлгөөтэй. Бүр ажилчдын бөглөсөн карттай, ажилдаа орсон цагаа бүртгэдэг машин ч байв."},{"id":"1fc48e64-dc57-4df9-b27a-1804f14ace3a","type":"paragraph","text":"Сандлууд энд тэнд тарж, жижиг амралтын өрөөнд цас шиг шуугиан гаргасан хуучин зурагт, лангуун дээр ялзарч дууссан хоол, ундаа үлджээ."},{"id":"bef7447f-cb1e-424e-b5c1-e920c2e77a4e","type":"paragraph","text":"Яг хүмүүсийг гэнэт нүүлгэн шилжүүлээд бүхнийг байсан чигээр нь орхисон сүйрлийн дараах кино шиг."},{"id":"db08d86f-a264-45e9-ae01-413646149e7d","type":"paragraph","text":"Би маскотын хэсгийн төөрдөг байшин шиг хонгилоор цаашлах тусам улам сонирхолтой зүйлс харагдав."},{"id":"33bdaa92-0570-4d88-bdd3-cc5e61144b29","type":"paragraph","text":"Дотогшлох тусам ширээ, тавиурууд хөмөрч, цааснууд чийгтэй шалан дээр тарж, зарим нь шалтайгаа бараг нийлэн наалджээ. Ногоон хөгцний зузаан давхарга ялзарсан хүрэн улаан хивсийг аажмаар залгиж байлаа."},{"id":"10825622-2001-45a9-a718-1985d4c766d8","type":"paragraph","text":"Бүх юм нялцгай."},{"id":"e34e98f9-5c50-4219-97c0-8e8b0bc690d1","type":"paragraph","text":"Модон зүйлд хурууны төдий хүч хүргэхэд л зутан болж бутарна. Нэг өрөөний өлгүүрт байсан хувцсыг авах гэтэл нойтон утас шиг задарч унав."},{"id":"66648971-25b9-4907-9972-a460ef236df1","type":"paragraph","text":"Намайг хамгийн их уурлуулсан зүйл нь улам гүнзгий орох тусам гэрэл цөөрч, найдваргүй болж байсан явдал."},{"id":"48b889d0-8058-4e37-83d4-9a2b8efff21f","type":"paragraph","text":"Эцэст нь хар, шар судалтай нэг хаалганд хүрлээ. Дээр нь:"},{"id":"a4da9569-427c-40fa-a4c9-2da489aee77b","type":"quote","text":"“CHARACTER PREP 1”\n“ДҮРИЙН БЭЛТГЭЛИЙН ӨРӨӨ 1”"},{"id":"e6737c8d-0e92-4044-a6b0-9c4143127994","type":"paragraph","text":"гэж бичсэн байв."},{"id":"41291f89-b10d-472c-82c6-8df6557807ac","type":"paragraph","text":"Хаалга эхэндээ огт онгойсонгүй. Дүрийн хувцаснуудыг энд хадгалдаг байсан байх гэж бодоод, ялзарсан өмхий тэр зүйлсийн зургийг заавал авахыг хүсэв. Ямар ч өнцгөөр түлхэж, татаж, янз бүрээр оролдсон ч хаалга хөдөлсөнгүй."},{"id":"f233b30f-b805-481f-ae51-27961c530476","type":"paragraph","text":"Эцэст нь бууж өгөөд эргэж алхахад ард жижигхэн “пок” гэсэн чимээ гарлаа."},{"id":"62358753-f4e1-4ab8-a57d-ce3acd733cd6","type":"paragraph","text":"Хаалга өөрөө удаанаар шаржигнан нээгдэв."},{"id":"129b200c-b677-4714-9a68-2b74f540eb4b","type":"paragraph","text":"Дотор нь бүрэн харанхуй. Нүд рүү шахсан мэт тас хар."},{"id":"94f30afb-edb7-4c57-a627-1020fa014b89","type":"paragraph","text":"Би камерын гэрлээр хаалганы хажуугийн хананд унтраалга хайсан ч юу ч байсангүй."},{"id":"d27a74eb-c1cf-49c7-acbd-366740cdb0d3","type":"paragraph","text":"Хайж байтал цахилгаан хүчтэй дүнгэнэхэд би цочин үсрэв. Таазны эгнээ гэрлүүд гэнэт асаж, өмнөх хонгилуудын адил анивчин, бүдгэрч эхлэв."},{"id":"e272bf54-96bb-4b9d-863e-7d1e593f0816","type":"paragraph","text":"Нүд дасахад хэдэн секунд шаардлагатай байлаа. Гэрэл улам тодорсоор бүх чийдэн дэлбэрэх гэж байгаа мэт санагдсан ч яг тэр мөчид бага зэрэг бүдгэрч, тогтворжив."},{"id":"8f4068fd-c13e-4f30-b212-5bc81a4c160f","type":"paragraph","text":"Өрөө яг миний төсөөлсөн шиг байлаа."},{"id":"0e5c3e9a-6573-41db-a517-d766cc1039ad","type":"paragraph","text":"Disney-ийн олон дүрийн бүтэн хувцас хананд өлгөөтэй. Үл үзэгдэх олсноос дүүжилсэн хачин хүүхэлдэйн цогцоснууд шиг."},{"id":"2a170066-a16b-4c8b-9047-4133cafcc6e2","type":"paragraph","text":"Ар талын өлгүүр бүхэлдээ бүсэлхийн даавуу, “нутгийн омгийн” хувцсаар дүүрэн."},{"id":"fa40dd96-665f-4d59-971d-09b7de5a396d","type":"paragraph","text":"Хамгийн хачин бөгөөд шууд зураг авмаар санагдсан зүйл нь өрөөний голд байсан Микки Маусын хувцас байв."},{"id":"24fa8ef4-f3e6-41b6-95aa-e51d15489a4b","type":"paragraph","text":"Бусад хувцас шиг өлгөөтэй биш, аллагын хохирогч шиг нуруугаараа шалан дээр хэвтэж байлаа. Үс нь ялзарч, хэсэг хэсгээрээ унаад халцарсан байв."},{"id":"9db95645-4b15-491d-9576-5f5d4cde6d18","type":"paragraph","text":"Гэхдээ өнгө нь бүр ч хачин."},{"id":"93eb2689-efd7-4f2e-8abb-bad61be75d27","type":"paragraph","text":"Жинхэнэ Миккигийн зургийг сөрөг хальс болгож харсан мэт. Цагаан байх ёстой хэсэг нь хар, хар байх ёстой хэсэг нь цагаан. Ердийн улаан өмд нь цайвар цэнхэр болжээ."},{"id":"c270123b-5849-489e-b49b-885209b81de0","type":"paragraph","text":"Тэр зүйлийг харахад нэг л жихүүдэс хүрсэн тул зургийг нь хамгийн сүүлд авахаар шийдсэн."},{"id":"d6ffcbfd-6ca0-4404-8735-ffb006526c8a","type":"paragraph","text":"Эхлээд хананд өлгөөтэй хувцаснуудын зураг авав. Доороос нь, дээрээс нь, хажуугаас нь. Хуванцар нүд нь уначихсан, ялзарч муудсан хүүхэлдэйн нүүрнүүдийн бүтэн эгнээг багтааж зураг дарлаа."},{"id":"7f91e3cd-77b8-4158-a918-139b2cbcf1d9","type":"paragraph","text":"Дараа нь нэг зурагт зориулж дүрийн толгойг шалан дээр байрлуулъя гэж бодов. Нялцгай, бохир шалан дээр ганц эвдэрхий толгой тавихад зураг сонирхолтой болно."},{"id":"7c9d1459-6681-44c6-a5e7-fecf48ba2f12","type":"paragraph","text":"Donald Duck-ийн хувцасны толгойд хүрч, гар дотор минь задарчихгүй байлгахын тулд маш болгоомжтой салгалаа."},{"id":"dd9a7a2e-0e9c-4064-b82c-20f526daa44d","type":"paragraph","text":"Хөгцөрч, нүд нь том ангайсан толгойг нүүрнийхээ өмнө барьж харахад гэнэт чанга тачигнах чимээ гарч, би айсандаа савж ухрав."},{"id":"2c314712-cbb8-4fe8-81fd-e00d776d5782","type":"paragraph","text":"Хөл рүүгээ харлаа."},{"id":"ef4b95cd-6b03-477a-ab12-c8329973f8f5","type":"paragraph","text":"Хоёр гутлын минь дунд хүний гавлын яс байв."},{"id":"e3ba33ae-89af-4709-89b8-8b461fc3bac5","type":"paragraph","text":"Маскотын толгой дотроос унаад шалан дээр бутарчээ. Зөвхөн нүүрний урд хэсэг, доод эрүү нь бүтнээрээ үлдэж, хоосон нүдээрээ дээш ширтэнэ."},{"id":"8b99d4d8-68c3-4817-8785-f7b950026d3e","type":"paragraph","text":"Мэдээж би Donald-ийн толгойг шууд хаяад хаалга руу ухасхийсэн."},{"id":"e3376b06-81ae-485d-b983-2182994dcf3d","type":"paragraph","text":"Хаалганы аманд хүрээд шалан дээрх гавлын яс руу эргэж харлаа."},{"id":"ed792502-5cf6-448b-ad9e-b1ca0ce38f40","type":"paragraph","text":"Би зургийг нь авах ёстой байсан. Ойлгож байна уу? Ямар ч тэнэг шалтгаан мэт сонсогдсон хамаагүй, би ЗААВАЛ зураг авах хэрэгтэй байв."},{"id":"ab3889b9-f2dc-4d09-b999-94b0ea1a3809","type":"paragraph","text":"Энэ явдал үнэхээр болсон гэдгийг батлах баримт надад хэрэгтэй. Ялангуяа Disney үүнийг ямар нэг аргаар ахиад алга болгох гэж оролдох нь гарцаагүй. Энгийн хайхрамжгүй байдлаас болсон байсан ч Disney үүнд ХАРИУЦЛАГАТАЙ гэдэгт би тэр мөчөөс огт эргэлзээгүй."},{"id":"1fcccffa-d3d6-4776-9681-001eec2e43ae","type":"paragraph","text":"Яг тэр үед өрөөний голд хэвтсэн, өнгө нь эсрэг болсон тэр Микки хөдөлж эхэлсэн."},{"id":"4593f965-d7f9-46b4-8413-2942377f8478","type":"image","url":"https://urboiouficsi3k76.public.blob.vercel-storage.com/story-media/imported/cms9vgx6y0000ry0oc5pf5ssm/1785775404004-1-image2-bdcwT5l7331bnh49ADDHlL8NJ8yHY8.png","alt":"","caption":"","size":"wide"},{"id":"d84200b3-328b-4356-910d-0183735c2068","type":"paragraph","text":"Өрөөний голд хэвтэж байсан “эсрэг өнгөт” Микки."},{"id":"df108678-b8f4-46c0-8a1e-5782c4cd51c5","type":"paragraph","text":"Эхлээд суув."},{"id":"2bebe20c-7d9f-43e2-8d91-4d4a1d95a23b","type":"paragraph","text":"Дараа нь хөл дээрээ өндийв."},{"id":"d89e065e-7f98-4c0a-b051-869dd6ada2e0","type":"paragraph","text":"Микки Маусын хувцас… эсвэл дотор нь байсан хэн ч юм… өрөөний төвд босоод, хуурамч нүүрээрээ яг над руу ширтлээ."},{"id":"1e5b1e79-a9d8-4858-9f36-6b5408280379","type":"paragraph","text":"Би “Үгүй… Үгүй… Үгүй…” гэж амандаа тасралтгүй үглэж байв."},{"id":"2e56ed19-daa0-43e2-992f-ee1907a735e9","type":"paragraph","text":"Гар салганаж, зүрх цээжийг минь зад цохих гэж байгаа мэт дэлсэж, хөл дахиад л нялцгай болсон ч би камерыг өргөж, над руу дуугүй ширтсэн тэр эсрэг өнгөт амьтан руу чиглүүлж чадлаа."},{"id":"0fb9d71e-f610-4573-914b-87556080a2d6","type":"paragraph","text":"Дижитал камерын дэлгэц дээр тэр зүйлийн хэлбэртэй үхсэн пикселүүд л харагдав."},{"id":"b95f6304-02c4-4103-95be-46e82432919e","type":"paragraph","text":"Миккигийн хувцасны яг таг хар дүрс."},{"id":"be527ae2-0489-4cf1-adff-c88335431342","type":"paragraph","text":"Миний гар салганан камер хөдөлгөх бүрд Миккигийн дүрс дагаж шилжиж, хүрсэн газар бүртээ дэлгэцийн пикселүүдийг үхүүлэн харлуулж байлаа."},{"id":"597cb117-7776-44e8-81d8-96fef33f52c3","type":"paragraph","text":"Дараа нь камер унтарсан."},{"id":"85133a03-6a0c-469d-a415-f0883e6b94fe","type":"paragraph","text":"Дэлгэц нь харлаж, чимээгүй болж… бүрэн эвдэрсэн."},{"id":"7756c97c-5e2f-4d08-ba80-6de1e85d5baf","type":"paragraph","text":"Би камераас нүдээ салгаж, Миккигийн хувцас руу дахин харлаа."},{"id":"b5db447c-10ff-40c4-b7f2-cef3c69198e8","type":"quote","text":"— Хөөе… Толгойгоо салгаад үзүүлэх үү?"},{"id":"2faf0c7d-0524-4f06-81ce-a9a4865e8dc0","type":"paragraph","text":"гэж тэр намхан, заваан өнгөөр хэлэв."},{"id":"18e108a4-0054-4b35-9515-ee8fe4f4db53","type":"paragraph","text":"Гэхдээ хоолой нь Микки Маусынхыг төгс дуурайсан байлаа."},{"id":"04d5fa6c-3e8e-40f8-bc09-378ad17146fe","type":"paragraph","text":"Тэгээд өөрийнхөө толгойг татаж эхлэв."},{"id":"020e5030-ebc3-4e73-8126-a448225cb671","type":"paragraph","text":"Зузаан бээлийтэй болхи хуруунуудаа хүзүүнийхээ завсар шигтгэж, араатны амнаас өөрийгөө сугалж авах гэж байгаа шархадсан хүн шиг улайран маажиж байлаа."},{"id":"0f66664d-f75e-4300-b185-0cb5d959c66e","type":"paragraph","text":"Хуруунууд нь хүзүүндээ улам гүн орлоо."},{"id":"9fdca703-83ac-4f50-9bd1-0457a45ae811","type":"paragraph","text":"Тэгээд цус…"},{"id":"44ef84d6-6d67-48f4-a0d4-852da327c2b2","type":"paragraph","text":"Ямар их цус байсан гээч…"},{"id":"fb2d8337-b286-49db-986d-70a6a367f903","type":"paragraph","text":"Өтгөн, бөөгнөрсөн, шар өнгийн цус…"},{"id":"087b464a-6a0e-490e-b3b8-3e244561cbe3","type":"paragraph","text":"Даавуу, мах зэрэг урагдах нойтон чимээ гарахад би шууд эргэж зугтсан. Тэр үед амьд үлдэхээс өөр юу ч бодоогүй."},{"id":"2434a2f1-6e79-4a0f-8af5-33011af9c007","type":"paragraph","text":"Өрөөнөөс гарах хаалганы дээр төмрийг яс юм уу, хүний хумсаар маажиж сийлсэн сүүлчийн бичиг харагдав:"},{"id":"39c8dcd1-5549-4dca-89f7-e6ab652051ab","type":"quote","text":"“ABANDONED BY GOD”\n“БУРХАНД ХҮРТЭЛ ХАЯГДСАН”"},{"id":"7b4a5fca-4e17-4fc7-8ecc-bf30904f65e3","type":"paragraph","text":"Камер доторх зургуудыг би хэзээ ч гаргаж авч чадаагүй."},{"id":"c8520f8f-53d0-4684-928e-db56fd3db346","type":"paragraph","text":"Тэр газрын тухай блог ч бичээгүй."},{"id":"a017f8e9-9851-4913-84bd-924f8ce5fca0","type":"paragraph","text":"Би ухаан санаа, магадгүй амиа аврахын тулд тэр газраас зугтан гарсныхаа дараа Disney яагаад хүмүүсийг Мауглийн ордны талаар мэдээсэй гэж хүсээгүйг ойлгосон."},{"id":"5a4f86e0-790e-4be4-b62a-4cdec4cf3114","type":"paragraph","text":"Тэд над шиг хүн дотогш орохоос айгаагүй юм."},{"id":"1765225f-0f70-4a87-bdac-41fa0c75098a","type":"paragraph","text":"Тэд тэрэн шиг зүйл гадагш гарахаас айж байсан юм."},{"id":"eb991b4a-a70e-475c-bc8e-4f6e68af22f1","type":"paragraph","text":"— ТӨГСӨВ — Эх түүх: “Abandoned by Disney” • Slimebeast • Монгол хөрвүүлэг"}]